اضغط زر أغنية بكرا أحلى من النهارده لتسمع وتقرأ
أغنية شادية بكرا أحلى
عـــا يـــز يــــن بـُــكـــــــــرة
*****************
بقلم الشاعر المبــدع
أبو عمــــار المصري
بكرة بتــــــــــاع ميـــــــــــــــــــن ؟
طب جــــــاى فعــــــــــــــــــــلاً ؟
ولا يتوه فى طريق متكتـِّــــف؟
قـُدّام منه مطبـّات خـــــوف
ووراه الغـِشّ المتستـِّف
جاى راكـِبـــــــنا ...؟
ولا المشــــــــــوار
قاطـِع نـفـَسـُه ؟
هـَـيـركـِّبـنــا ؟
ولا يا خوفى كمان ما نحســـــــَُه
عندى نصيحة يا بكرة حقـــيقى
لو ناوى تنـَشـِّـف ريق ريقى
إسأل قبل ما تيجى امبارح
شوف هيقول لك إيه عن غـُـلـبـــــــــــــى ؟
صـَدَّق مـِنـه كل كلامــــــــــــــــــــــــــــــه
أصل الماضى لا يمكن يكــــــــــــــــــدب
جاى مروَّ ق ؟
ولا شــــــــــــــــــايل لنا حزن جديد ؟
حلو مزوَّ ق ؟
لابس توب منسوج بوجـَعنــــــــا ؟
ولا تكون هتعـَرّى عـَوارنــــــــا ؟
تكسـِف شمـس حقيقة روحنا ؟
ولا هتـِخـسـِف ضـَىِّ قمرنا ؟
بـُـصّ يا بـُكرة
إحنا سنسن مســـــــــــــــــــــــتنيين
بكرة الجـــــاى
شايل أفراحنا
فاكـِك قيد الخوف فى صدورنــــــا
سامـِع حـِسـِّنا
عارف بوحنا
إحنا كرهنا
ظـُلم امبارح ...كل امـــــــبارح
خـَـد ويـّاه أجمل أمانينــــــــــا
وانت أملنا
يا تحـَبـِّبـنــا ف كل الجـــــاى
يا تسيبنا نحـَدّد خطاوينــــا
نكتب ع الشارع تواريخنا
نكتب بإدينا على باقينـــا
يمكن نكتب كلمة بكرة
بالحرية
خير وسلام
حق وعـدل وشمــــــس عـفـيـّة
بكرة الـ واقف على رجليـــــه
مش ساند على جوز عكاكيز
ينفخ فينــا الروح مهزومة
ويحسـّسنا اننا عواجيـــــز
عايزين بكرة الشاب الجامد
واثق فى الحلم وبيســــــاند
كــــــــــــل النــــــــــــــــاس
عايزين بكرة جميـــــــل ...
حســــــــّاس
لو راح تقدر
أهــــــــلاً بيك
أنا شايل حلمى على اكتافى
مســــــــــــــــــــــــــــــــــتنيك
***
بـــقـــلـــــم ا لـــشـــــا عــــــــر
أبــــو عـــمــــــا ر ا لــــمـــصـــــــر ى
ليست هناك تعليقات:
إرسال تعليق