اضغط على زر تشغيل هذه ليلتى أولا لتستمتع وأنت تقرأ
آهــــــــــــــــــــــــــــــــــــــــــات
*******************
آهات كتير و كتير أنـــــــواع
و كل شكل و لون .. معنى
فيه آهة تطلع بالأوجاع
تحِن لما بتســـــمعنا
***
و آهة تطلع تجرحنـــا
و آهة تيجى تفرّحنــــــا
و اديحنا بنداوى جروحنا
و نعيش على كل الأوضـــاع
***
فيه آهة تحلـــم لو تتقال
فِ لحن غنوة أو مـــــــوال
ف تتوه و تغرق وسط الموج
و اهو حالنا من دا و من دا الحال
***
ســــــــاعات آهاتنـــــــا تكــــــــون تراتيـــــــل
زى الكامنجة فِ عزف الليــــــــــــــــــــــــل
تشوف خيالك حلم جميــــــــــــــــــــــــل
ف تفوق غريب ويا الترحـــــــــــــال
***
و ساعات تكون تخاريف كوابيس
تبات ملاك تصبح إبليــــــــــــس
لا ليك جناح تهرب م الخـــوف
و لا انت قادر تبقي خسيــس
***
قلبك جبان فِ الغدر ضعيف
تحزن كتير تفرح تخاطيف
تحتار معاك كل التعاريف
و انت البطـــــــــــــــــــل
من غير كواليــــــــــس
****
ليست هناك تعليقات:
إرسال تعليق