اضغط على زرق تشغيل أغنية الربيع لفريد الأطرش
الشاعر/ محمد عبد المنصف
الربيــــــــــــــع
********************
عــــــدى الشـــــــــــــــــــــــــــــــــــتا
بعد ما فشــــفش عضمنــــــــــــــــا
برد وزكام وعلاج بكـــــــــــــــــــــام
وفى بطــــانيـــــــــــــة يلـفنــــــا
عبـانا جـــوه هدوم كتيــــــــــــر
وحبسنا بدرى فى الســــــرير
نيمـــنا غصــــــــبا عننـــــــا
قبله الخريف زعبب كتير
وتــرابه عـفــــــــر وشنا
والصيف لفحنا بحر صهده
حــــــــــروق وسمر جلدنا
هــــــــــــــل الربيـــــــــــع
والدنيا لبست توب جــــديد
شـــــــــــــــــااااااء السميع
حتى الورود يبقى لها عيــــد
لون خدودها وشد عودهــــــا
وشذاها خلى المووود سعيد
خلانا قبل الفجر نصحــــــــــى
زى الطيور بين الجنايـــــــــــن
فى جو صحو وشمس دافيــــه
ونسيم عليل غطى المدايـــــن
ناكل فى بيض وبصــل ورنجــــه
وكمان فسيخ والرب صـــــــــاين
أصـل أنا خوفنــــــا نشم ورد
ناخد عليه ....أدمنا فاين
محمد عبد المنصف
ليست هناك تعليقات:
إرسال تعليق