الشاعر وليد مليجى يقدم الشاعرة /ميمى عبدالجليل
من إبداعات أصدقائى
قصيدة تستحق القراءة و الإهتمام
لما أموت .. للشاعرة الجميلة ميمى عبد الجليل
( نقاء البحور )
-----------
"لما أمـــــــــــوت"
أوعــــى تحــــــــزن
أوعى تبكى كتير عليا
هو يــوم واحـد كفــــايه
بعده.. راح تنسى القضيه
***
"لما أمــــــــــــــــوت"
وانت جايلى فى الزياره
ابقى هاتلى معاك هديه
ورد... من غيــر مزهـــريه
ُرشُه ع القبر اللى ساعنى
وانسى مين باعنى وخدعنى
وانت.... متكــونش الضحـــــيه
***
"لما أمــــــــــــــوت"
ابقى كــفنى بحـــنانك
ما أنت عــــــــــــــــــارف
انى مُت كتيــــر عشـــانك
لما كـــنت تغـــــيب عليــــا
أو تفـــوتنى وحــــدانيـــــــه
أو تجـرحنــى بكلامـــــــــــك
***
"لما أمـــــــــــــوت"
افتكر شـوقى وحنانى
افتكـــر أوقــــات جـــنانى
وانسى أى كلمه جارحــــــه
قولتهالك لما بتـكون انت جانى
***
"لما أمـــــــــــــــــــوت"
ابقى احكــينى ف كلامـك
واحكى عنى للشـــــــوارع
كنت بَكـــرَه يـــوم خصــامك
كنت ألــــف بقــلبى ضــــايع
***
"لما أمـــــــــــــــــوت"
مش حيبقى فيه مشاكل
مش حيبقـــى حــــد فاكر
حتى حيضيــــــــع الصراخ
***
"لما أمــــــوت"
رتل القرآن عشانى
ادعى .. واترحم زمانى
واوعى تحزن... ع ال عدى
واعرف ان الله........ شفانى
***
"لما أمــــــــــــــــــــــــــــــوت"
انسى اى كلمه جارحه قولتهالك
وافتكر طيبتى وحنانــــــــــــــــــى
وأفتكر أوقـــــــــــــات جنـــــانى ...
لما أموت
***
الشاعرة / ميمى عبد الجليل
***
ليست هناك تعليقات:
إرسال تعليق