اضغط زر تشغيل أغنية الفراولة ـ لمتقال قناوى
*****
رحلات هريدى
قصه شعريه باللهجه الصعيديه أتمنى أن تعجبكم تحكى عن عادات وتقاليد أهل الصعيد والهجره إلى القاهره وبعض الدول العربيه ولكن الجديد فى هذه القصه عدم أكتفاء هريدى بطل القصه بالهجره إلى القاهره فقط بل تجاوز طموحه البلاد العربيه وصولاً بباريس ولهذه القصه بما فيها من مواقف وطرائف راجل صعيدى حينما يصتدم بالمدنيه المصريه والثقافات العربيه والحضاره الباريسيه ولكن كل هذا سوف نتعرف عليه فى الأجزاء التى سوف تنشر تباعاً .
مع خالص تحيات
الشاعر / زغلول الطواب
*******************
(الجزء الأول)
--------------
--------------
هريــــــــــــدى يعرف نفســــــــــــــــــــــه
أنـــــــا هريــــــــــــــــــــــــــــــــــــــــدى
ولد عبدالرحيم هريـــــــــــــــــــــــدى
أبوى كان راجل جد ودوغــــــــــرى
أصلنا صعايده من قبلـــــــــــــى
يعنى سوهاج مركزى وبلدى
السمار لينا عنــــــــــــوان
العمامه فوج الطاجيه
تراث وزينه للرجــــال
ورثينها عاده من زمان
عبايه فوج الأكتــــــاف
تغنيك عن اللحــــــــاف
فى أيام الشـــتا البدرى
فوج جلبيه بكمــــــــــــام
واسعه مهويه للرجـــــــال
من الديل لما للكتـــــــــــاف
والصدر جبه واســـــــــــــــع
وشعر الصدر منبــــــــــــــــت
زى الزرع اليافـــــــــــــــــــــــع
تجولشى شـــــــــــــــــوك صبار
منبت عفى وطالـــــــــــــــــــــــع
والله ما تجرب عليه وليــــــــــــــــه
ولا صبيه غير بالحــــــــــــــــــــــلال
ولا لينا فى الحـــــــــــــــــــــــــــرام
ولا نعرفوا دلع النســـــــــــــــــــــوان
الحرمه حدانــــــــا
كيف العجينه الطريه
نعجنوها ونخبزوهـــا
زى ما هيـــــــــــــــــه
ما نسمعوا ليها صــوت
جليلة الحيلــــــه متربيه
طالعه من بيت أبوهــــــا
مشرفه عمها وأخوهــــــا
من ليلة الدخلــــــــــــــــــه
لما توافيها المنيـــــــــــــــــه
أراضى بلادنا سمره وعفيه
الطمى عيغطيها محميه
أصل الدميره عترويها
كل أيام صيفيـــــه
لا نعرفو كيماوى
ولا تجاوى برانيه
عنصبخوها بروث البهايم
عينبت الزرع فيهــــــــــــــا
تجولشى ربك حاميهــــــــــا
من الأزيـــــــــــــــــــــــــــــــه
تطلع غلايته عفيــــــــــــــــــــه
خيرها منها فيهــــــــــــــــــــــــا
أصلها من مية النيل مرويـــــــــــه
أبهاتنا وجدودنا رجالــــــــــــــــــــه
علمونا كيــــــــــــــــــف متتكسرش
فى إدينا العصايـــــــــــــــــــــــــــــه
حتى لو كانت عصايــــــــــــــــه بوص
خايخــه وملويــــــــــــــــــــــــــــــــــــه
المهــــــــــــــــــم إللى يمســــــــــــكها
يكون عارف مســــــــــــــــــــــــــكتها
ويكون راجل كديهــــــــــــــــــــــــا
ويعرف كيف يحميهـــــــــــــــــــا
من شرور البليــــــــــــــــــــه
ويكون بين الرجال راجــــــل
حتى لو كان الزناتى خليفه
وراه ألف وميــــه
ناس كانوا رجالـــــه
علمونا من الجول كتير
ألف جواله وجوالـــــــــــــه
جالولنا نحرصوا من الخسيس
نعاملوه كيف التليــــــــــــــــس
لو فرط يبعتر الدنيــــــــــــــــــــــا
نصاحبوا الأصيـــــــــــــــــــــــــــــل
حتى لو كان دمه تجيـــــــــــــــــــــل
المهـــــــــــــــم أصلــــــــــــــــــــه زين
ينفع فى اليوم الشـــــــــــــــــــــــــــــين
يبجى ستر وغطى عليـــــــــــــــــــــــك
أصله متربى أحسن تربيــــــــــــــــــه
الأصيل زى النخـــــــــــــــــــــــــــــل
جزوره فى الأرض سارحه وجويه
أما الغجر ناس ملهاش آمان
ولا وتدد فى الأرض مكان
ولا يملكوا جيراط ولا فدان
لو سهرت وياهم فى الليل
ما تلاجيلهم أثر فى الصبحيه
النهارده فى بلد وبكره فى بلد
ما تجدر تفرج بيناتهـــــــــــــــم
ولا تجدر تفــــــــــــــــــــــــــــــرج
بين الحرمه من الراجــــــــــــــــــل
لما يحطوا فى بلــــــــــــــــــــــــــد
يخلصوا على خيرها من الوتــــدد
يسيبوها بايره كيف الوليـــــه
و يرحلوا على بلد غيرهـا
زى البلـــــــح الصيص
ماسخ وينشف الريج
كيف المايه المالحه
لا شافعه ولا نافعه
سيبك يا ولدى الراجل
فى النهايه برضه راجل
علمونا كمان منخافش
نجولوا الحج ولا نهابش
مخلوج فى الدنيـا واصـل
كانوا ناس كيــف الســـيف
الكلام موزون على الكيــــف
معيحبوش غير الكلام الدوغرى
عادات وتجاليد ورثناهــــــــــــــا
أب عن جد من زمان بــــــــــــــدرى
كانوا يجولــــــــــــــــــــــــــــــــوا الحج
حتى لو السيف على الرجاب يجــــــــرى
إســــــــــــــــــــــــمى هريــــــــــــــــــدى
ولد الحاج عبدالرحيم هريــــــــــــــــــدى
طلعنى أبوى وربانــــــــــــــــــــــــى
على الجد من صغـــــــــــــــــرى
الله يرحمـــــــــــــــك يا بوى
لو كنت أعـــــرف فراجك
كان هيبجى كده بدرى
ويطخوك ولاد الزوانى
من غير ما تـــــــدرى
وتسيبنى فى الدنيا
وحيد وهتهملـــــنى
ما كنت فرحت يوم
ولا دوجت الزاد عمرى
ولا هملتك دجيجـــــــــــــــــــــه
علشان أتعلم منك الحج والحجيجه
الدنيـــا يا بايا ظلمتنــــــــــــــــــــــــى
عماله تشيل وتحـــط فيــــــــــــــــــــــا
خـــلاص يا بايا هتموتنـــــــــــــــــــــــــى
الله يرحمــــــــــــــــــــــــــــــــــــــك يا بايا
إنت أخـــدت منها حجــــــــــــــــــــــــــــــك
وأنا لسه هاخد منها
بإذن الله حجــــــــــى
صحانى أدان الفجــــر
أتوضيت وصليـــــــــــت
ودعيــت ربــــــــــــــــــى
يرحمك يا بـــــــــــــــــــوى
ويبارك فى عمر أمـــــــــــى
حليت رباط البهايـــــــــــــــم
و روحت الغيط من بــــــــدرى
جابلت محمود صاحبـــــــــــى
كان جاعد فى الســــــــــهرايه
عيجرا مكتوب للصبايــــــــــــــــا
حادثه فى أسيــــــــــــــــــــــوط
وجعت فوج الجاموسه نخلايـــــــه
العلم زين للمتعلـــــــــــــــــــــــــم
وللجاهل كيف الطريج المضلــــــــم
يوجـــــــــــــــــــــع ويتخبــــــــــــــــط
غلبـــــــــــــــــان معيعرفش حاجــــــــــــــــــه
محمود طــــــــــــول الليل عيذاكـــــــــــــــــر
أصله متعلم فى الكتاب وشـــــــــــــــــاطر
حافظ القرآن من الأول للأخـــــــــــــــــــر
والبنته جاعدين تحت النخلايـــــــــــــــه
عيدشوا الغله تحت الرحايــــــــــــــه
والنورج عتدرس الجـــــــــــــــــــرن
والرجاله عيدروا الجمح بالمدرايه
حشيت البرسيم للبهايـــــــم
عفطرهم جبـــــــل الأوادم
الحيوان ليه علينــــا حج
زيه كيــــــــــف الأرض
نافعينا فى كل حاجــــه
عيلة أبو كامل ناس زنيــــــن
عيله كبيره كلهم ناس متعلمين
حافظين القرآن ومتنــــــــــــورين
كان حداهم شيخ فاتح كتـــــــــاب
عيعلم فيه العيال والشـــــــــــــباب
ويحفظهم القرآن حتى النهايـــــــــــه
وفيهم راجل زين متعلــــــــــــــــــــــم
بحر على مصر بجاله ســـــــــــــــــــنين
وعيجولوا كمان عيكتب فى الجرانيـــــــن
وعيكتب فى الأدب الروايـــــــــــــــــــــــــه
وعيجولوا كمان ســـــــــــــــــــــــــــافر بره
بجالـــه كتير منعرفلهوش جــــــــــــــــــــره
ولا حتى البلــــــد إللى هو فيهــــــــــــــــا
إسميها أيـــــــه الله أعلـــــــــــــــــــــم
تبجى فيــــــن هو أعلــــــــــــــــــــم
ياما العلم عيعلـــــــــــــــــــــــــــم
ويخلى صاحبه ليه كونيه وكنايه
أصلى بلدنا على كديهــــــــا
من البيت للغيــــــــــــــط
ومن الغيط للبيـــــــــــــــــت
ربك هو إللى متولينــــــــــــــــا
ولا فيها حتى جهوه نسهروا فيها
ولا كهربه نسهروا عليهــــــــــــــا
إحنا ناس على كدينـــــــــــــــــــــا
لا نعرفوا كهربه ولا زينـــــــــــــــــــه
يادوب لنده عويـــــــــــــــــــــــــــــــل
عنعملوها بإدينــــــــــــــــــــــــــــــــــا
وعنوروها من المغربيــــــــــــــــــــــــــه
لجرب نص الليـــــــــــــــــــــــــــــــــــــــل
وعتطفى وحديهـــــــــــــــــــــــــــــــــــــــا
لمـــــــــا يخلصـــــــــــــوا
شوية الجاز إللى فيهـــــــــا
ولا حدانا رداوى ولا تلفزيونات
ولا مصانع تدور بيهـــــــــــــــــا
ناس كده على الفطــــــــــــــره
عايشين النهارده زى بكــــــــــره
فطورنا هو غدانــــــــــــــــــــــــــا
واللمه الحلوه ساعة عشــــــــــانا
وعنحمدوا ربنا على النعمـــــــــــــه
ربنا ســـــــــــــــاترها علينــــــــــــــا
بحرى البلـــــــــــــــد بجـــــــــــــــــال
صاحبه الحــاج عبدالعـــــــــــــــــــــــال
راجل دوجرم عارف كل حاجـــــــــــــــه
عشان عيروح السوج يتســــــــــــــــوج
وعيجيب من البندر
كـل حاجــــــــــــــــه
زيت وشــاى وســـكر
وحلاوه طحينيه وملبس
ودجيج فاخر متكـــــــــرر
خالى من الرده ومزهـــــر
وسجاير سمسون أرضـــى
مالهاش فلتــــــــــــــــــــــــر
بس للغرض عتجضـــــــــــــى
المهم الدخان إللى فيهــــــــــا
وكمون وشطه وملــــــــــــــــح
وبواكى دخان وورج بفره لللف
يعنى عنده حاجات كتيــــره
ومهاود جوى عالآخــــــر
راجل طيب مش واعر
معاك شوية غلة دره ماشى
على كام كحريته برضه ماشى
شوية جطن أى حاجـــــــــــــــه
تشترى من عنده بيهم كل حاجه
معاك فلوس تشــــــــــــــــــــترى
ممعاكش برضه تشـــــــــــــــــترى
والحال على كيفك ماشـــــــــــــــى
والكل عيجضيها وماشــــــــــــــــــى
حداه راديو خشــــــــــــــــــــــــــــــب
عيجيب إذاعة القرآن وصوت العــــرب
يتلموا بعد المغرب حواليـــــــــــــــــــه
النــــــــــــاس الكبيـــــــــــــــــــــــــره
فوج المصاطب إللى فى وش الدكان
ويسمعوا النشــــــــــــــــره والقرآن
وسواعى خطاب الريـــــــــــــس
عبد الناصر كمـــــــــــــــــــان
لما كان عيخطـــــــــــــب
النـــــاس تبجى واجفـــــــــه ولا تجعدشــــــــــــى
وبالخاصه ليلـــــــــــــــــة الخميـــــــــــــــــــس
أول كـــــــــــــــل شــــــــــــــــــــــــــــــــهر
أم كلثوم عتغنى فيهـــــــــــــــــــــــــــا
عنسهروا سهره كبيــــــــــــــــــــره
فى أيام الخوالـــــــــــــــــــــــى
كل واحد يحكى حكــــــــــاوى
حكاوى الشجاعه والبطوله
حاجه كده عتســـــلينا
و فى الأفــــــــــــراح
نجيبوا عم جابر الشاعر
على الربابه عيصحى المشاعر
يجعد طول الليل يشـــــــــــــــعر
ويحكى حكاية أبو زيــــــــــــــــــــد
والزناتــــــــى خليفـــــــــــــــــــــه
وميخلصهاش غير بعد للتين تلاته
ومن حبى فى حكاية أبو زيـــد
وخضره الشــــــــــــــــريفه
حبيت الشعر بتاعـــــــه
وسواعى أتعلم منه
معنى الحكــــــاوى
لما أكون فى الغيط
ومدور الســـــــــاجيه
تلاجينى أجول أشـــعار
تطلع كده وحديهــــــــــــا
الناس فى بلدنا غلابــــــــــه
عتنام بدرى عشان موراهمش حاجه
علشان تجوم تــروح الغيطـــــــــــــــان
فــى الفجـــــــر تســـــــــــــــــــــــــــجى
أكون أنى خلصت ســاجيه جبليهـــــــــــــا
فى الصبحيه تلاجى كل حاجه صحيــــــــــت
من بدرى الناس رايحه على الغيطان تحرت
والحريم تكون حلبت البهايـــــــــــــــــــم
وماسكه الجربه عتخض فيهـــــــــــــــــا
وإللى جايده الكنون وعتطبــــــــــــــــــخ
طبخه سخنه تدفيهـــــــــــــــــــــــــــــــا
إللى تطبخ رشده وإللى تطبخ عصيـــده
وإللى تطبخ حريره على كديهـــــــــــــــا
وإللى عجنت الدجيج من بـــــــــــــــدرى
وجرصت الخبيز جبل الشمس ما تحمى
وراحت تلم وجيد للفرن
تولعها وتحميهـــــــــــــا
الفروج والديوك عتكاكى
والبط والــوز يحاحـــــــــى
المعزه كتير عتمأمــــــــــــأ
والخرفان عتنطح العيال وتبأبأ
والحمير عتنهج وتبرطــــــــــــع
وترفص إللى يهوب نواحيهــــــا
الجاموس والبجر عينعــــــــــــــر
عايز ياكل ويشرب متحيــــــــــــر
الصبايا تملى الزلع والبلاليـــــص
من الترعــــه وتســـــــــــــــــجيها
حتى الزرازير تهمل عشـــــــــــــها
من فوج شواشى النخل وتطيـــــر
وتسيب صغارهـــــــــــــــــــا تزجزج
خايفه من الحدايه تختلى بيهــــــــــا
الطير حاطط علـــــــــــــــــى الأرض
فى الغيطان عيلجط الحب لجـــــــط
يملى الشوجله ويرجع تانى ليهـــا
سبحان الله حتى الطير والبهايـم
عارفين كيف يبروا صغارهـــــــم
أرزاج مجسمها ربك العالم بيها
حوار بين محمود وهريــــــــــــــــــــــــدى
فى السهرايه جالى محمود صاحبــــــى
كيف حال عتمان ولد عمك يا صاحبــــى
لساه جاعد فى مصر بحرى
عيجولوا شغال شغله زينه
عيجبض منها فلوس كتيره
جولتله والله يا واد عمـى
نفسى يا محمود أبحر على مصربحرى
زى عتمان ولد عمى وأشوف الدنيـــــا
إللــى عيجولوا عليهــــــــــا
يا صاحبى مصر دى كبــيره
وفيها فلوس كتيـــــــــــــره
لما عيجى عتمان وتشوفه
متعرفهوش من نضافته وخلجاته الزينه
حتى كلامــــــــــــــه متغيـــــــــــــــر
مش زيينا عيتكلــــــــــــــــــــــــم
عيعوج لسانه وعيحـــــــــــــور
باين عليه عيشــــــــــــتغل
هناك شغلانه زينــــــــه
عيكسب منها كتيــــــر
و ربنا فاتح عليه من أوسع الأبواب
عياكل بدل البتـــاو فطيـــــــــــــــــر
عيجولى هناك كل الناس عرفـــــــاه
نفسى يا محمود أهمــــــــل البلد دى
وأدلى مصر وأشتغل شغلانه ويــــــاه
نفسى أشوف الدنيــــــــــــــــــــــــــــا
إللى عيحكوا ويتحاكوا عليهـــــــــــــــــا
بس خايف أسيب أمايتى وحديهـــــــــــا
وليه كبيره متجـــــــــــــــــــــــــــدرش
على خدمة البيــــــــــت والفرش
والبهايم والغيط وحديهـــــــــا
سكت محمود شويه
وبعدين بعنيه بص عليــــــــــــــا وجالـــــــــــــــــــى
إتوكل على الله يا هريدى من بـــــــــــــــــــــــدرى
ربــــــــــــــــــــــــــك معينساش حد وهيساويها
ممكن تكرى للزرعيــــــــــــــــــــات أى حــــــد
هيســـــــــــــــــــــد مكانك عن جــــــــــــــد
بصراحه كلام خبط فى دماغى خبــــــــط
جولت فى سرى يخرب بيتك يا هريــدى
كيف مفكرتش من زمان يا واكل ناسك
صدج إللى جال الصعيدى صعيدى
تروح مصر زى ولد عمك عتمان
علشان يتعدل حالك أنت وأمك
جالى مالك ســــــــرحت فى أيه يا هريـــــــــــدى
جولتله خلص الكـــــــــــــــــــــــــــلام يا نديدى
أنى مروح بيتنا أجول لأمايتــــــــــــــــــــــى
وأعيد عليها الكلام من تانـــــــــــــــــــى
وروحت البيت وأنى راســـــى مندار
متحير يا ناس ومحتـــــــــــــــــــار
كيف أجول لأمى على إللى صار
فى السهرايه و راسى مندار
أمى ست كبيـــــــــــــــره
وملهاش غيرى وسيله
فى الدنيا الكبيـــره
كيف أهملها وأبحـــــر
مين من بعدى هيراعيها
حوار بين هريدى وأمـــــه
شافتنى أمايتى وأترجفت
كأنى فروجه وأتعكشـــــــت
بصت فى عنيا وجالتلتــــــــــى
يا ولدى شايفه فى عنيك حيــره
بس معرفاش أيه إللى عتفكر فيه
ومحيرك ومحيرنى حيــره كبيــــــره
جولتلها مفيش حاجــــــــــــه يا ماى
جالتلى كداب يا هريدى
أنى أمك عجناك وخبزاك
يا ولدى أنى فهمــــــــــاك
ولا عتعرف تدارى ولا تخبى
لو حنكك صام عن الكـــــلام
عنيك فضحاك يا ولـــــــــــدى
تعالى وجعمز جــــــــــــــــارى
وجولى بصراحـــــــــه ما تدارى
على إللى جواك صايـــــــــــــــر
جولتلهــــــــــــــــا مجدرش يا ماى
خايف أجولك تجولى عليـــــــــــــــا
كنت عاجل والعجل منى طــــــــــــار
وعايز أسيبك وأهمل الــــــــــــــــــــدار
إبتسمت بسمتها الحلوه وجالتلـــــــــــى
متجولش حاجـــــــــــــــــــــــه يا ولدى
فى عنيك باين عليك جلجــــــــــــان
نفسك تبحر على مصر وتهملنى
أنى عشوف ده فى عنـــــــيك
كل ميجى عتمان ولد عمك
خلجاته عتزغلل عنيـــــك
إللى تشوفه يا ولـــدى
زى ما تحب يا هريدى
بس يصعب علــــــيا
فراجك هتوحشنى
عليك فى غيابــــــــك جلبى هياكلنـــــــــــى
مين هناك من البــــــــــــــــــــــــــرد يغطيك
ويخاف من حـر الشمس عليـــــــــــــــــــــك
إنت وحيــــــــــــــــــــــــــــــــــــــــد يا ولدى
وملياش فى الدنـــــــــــــــــــــــــــــيا غيرك
ونفسى مفيــــــــــــــــــــش حاجــــــــــــه
تضرك ولا تصيبـــــــك
هتحرج جلبى عليـــــــك
جربت عليا ومســـــــــكت
بأديها الحنينه إيديــــــــــــــا
وطبطبت على كتفى وجالتلى
إسمع لما أجولك يا هريـــــــدى
إنت ضنايا مالياش غيـــــــــــــرك
ونور عينى يا ولدى وســــــــــندى
من بعد أبوك إنت راجلى وولـــــدى
ملياش غيرك فى الدنيا يا هريــــدى
عايزه أجولك على كلام
فى النجع داير وعيجـــــرى
فى الصبحيه كنت جاعــــــده
ويا الحريـــــــــــــــــــــــــم بدرى
كانت الســـــــــــــــــــهرايه حاميه
عليــــــــــــــــــــك يا ولـــــــــــــــــدى
ســـــــــــــــــمعت حديت واعــــــــــــــر
ومكنتش مصدجــــــــــــــه ودانــــــــــــى
سيرته بجت فى حنك الحريم لبانه وسلايه
جالوا أيه يا مايه شــــــــــــــــــــــــــــغلتينى
وحيرتى راســــــــــى كفايــــــــــــــــــــــــــه
متجلجــــــــــــــــــش يا ولــــــــــــــــــــدى
كانوا عيتحدتوا فى نفس الحكايــــــــــه
حكاية شــلبايه بت عمـــــــــــــــــــك
عيجولها هيتكلــم عليهـــــــــــــــا
ولد الحــــــــــــــــــــــــاج صابر
ومرات عمى عاجبها الحديت
ومعتكدبش إللى صايــــر
معارفاش يا ولـــــــدى
الحكاوى هتجننـــــى
بلاش يا ولدى خليك هنا جنبى
أجعد تجل بيا وونســــــــــــــنى
وليك عليا دلوكيتى جبل العشيه
أروح أخطبلك شــــــــــــــــــلبايه
نفسى أشوفك عريـــــــــــــــــس
ومخلف عيال كتيـــــــــــــــــــــــــر
وبعينى أشوفهم وهمـــــه عيلعبوا
وعيتنططوا جـــــــــــــــــدام البيت
رايحين جايين مالين علينا الدنيا
وتعوضنى عن أبوك يا ولــدى
إللى إتخطف منينا بــــدرى
عايز كيف دلوكيتى تهملنى
وتسيبنى فى البيت وحدى
عايز تبحر على مصــــــــــر
جبل الجواز وتهملنــــــــــــــى
مين إللى هيفرح جلبى ويطمنى
إسمعنى زين يا هريـــــــدى
مصر يا ولدى عيجولوا كبيــــره
وخايفه تروح وتاخدك الغربه منى
كيف تروحها وتهملنـــــــــــــــــــى
وتسيبنى كيف يا ولـــــــــــــــــــدى
طاوعك جلبك يا هريــــــــــــــــــــدى
ولسانك ناطجها وفكرت فيها يا ولدى
ما سألتش نفسك هيجينى نوم كيف
وانت بعيد فى الغربــه عنــــــــــــــــى
مين هيشــــــــــــــــــــــــــــــجر عليك
ويغطيك لما تتعرى رجليـــــــــــــــــــك
وانت نايــــــــــــــــــم يا ولـــــــــــــــدى
فى عز نومى وفى نصاص الليالـــى
حاجه تيجى تصحينـــــــــــــــــى
وأجوم أطمن عليــــــــــــــــــك
ألاجيك عريان عتتنفض من البرد
والغطى مـــــش عليـــــــــــــــــك
بسرعه أغطيك بيدى يا ولــــــــــدى
كيف يجينى نوم وحنكى يدوج الــزاد
وانت بعيــــــــــــــــــــــــــد ومفارجنى
مين هيراعى الزرعيات فى غيابــــــــك
و مين هيسجى الغيط والبهايم يا ولدى
مين هيدرس الجمحــــــــــــــــــــــــــيات
بالنــــــــــــــــورج يا هريــــــــــــــــــــــدى
مين هيعلج البجره فى الســــــــــــــــاجيه
ويسهر طـــــــــــــــــــــــــول الليل يسجى
مين هيجيب البرسيم من الغيط يا ولدى
مين هيجنى القطنيات ويكبســــهم
فى الشوالات ويوديه الجمعـــيه
ويجيب فلوســــــــــــــــــــهم
خايفه الأرض تبور يا ولدى
وتزعل أبوك فى ترابــــه
ويجول الدنيا خربت فى غيابه
وأنى من بعده معرفتش أربــى
خليك فى دارك يا ولـــــــــــــــــدى
إنت مسمعتش عيجولوا فى المثل أيه
إللى يسيب داره يتجــل مجـــــــــــــداره
وإنــت مجدارك كبير يا ولــــــــــــــــــــــدى
كلامها فى ودانى زى الخبـــــــــــــــــــــط
كيف الحجر الصوانـــى
لما يخبــــط خبـــــــــــط
بس الفكره وجعانـــــــــــى
وعجلى مصمم وسادد ودانى
جالتلى مفيش فايده فيــــــــك
إللى جواك غالب عليـــــــــــــــك
زى ما إنت عاوز يا ولــــــــــــــــدى
بس أوعدنى يا وليـــــــــــــــــــــدى
وهات إيدك وحطها فى إيـــــــــــــدى
لو بحـــــــــــرت علـــــــى مصـــــــــــر
ومهما شـــــــــــــوفت وحصــــــــــــــــل
ما تنسى انك صعيــــــــــــــــــــــــــــدى
بصيت عليها لمحت الدموع من عنيها
نازله على الخدود تجــــــرى
إتلفيت خلجاتى وحاجاتـــى
وطلعت من البيت أجــــــرى
مجدرتش أتحمل دموع أمى
***
زغلـــــــــول الطـــــــــــواب
ليست هناك تعليقات:
إرسال تعليق