اضغط زر تشغيل أغنية : اتفرج عالحلاوة.. للريس متقال
****
الشاعر المبدع / زغلول الطواب
(الجزء الثانى)
من رحلات هريدى
شكر وتقدير للكاتب والمفكر الكبير دكتور محمد حسن كامل
رئيس اتحاد الكتاب والمثقفين العرب
سفير في فيدرالية السلام العالمي التابعة للامم المتحدة
قناة الكاتب والمفكر محمد حسن كامل
لكم خالص تحياتى وتقديرى لشخصكم الكريم على هذا الأطراء الجميل
الشاعر الفحل السامق
زغلول الطواب
من باريس مدينة النور , ومن على ضفاف نهر السين العظيم شريان باريس ووريدها أسطر تلك الكلمات التي تعبرعن وافر شكري وعظيم تقديري لتلك القصة التي ترعرعت في كفر أو نجع من نجوع صعيد مصرنا الحبيبة .
كلماتك ذكرتني بحوار ثري أجريته مع صاحب نوبل للأدب العربي نجيب محفوظ حينما قال لي:
(( الإستغراق في المحلية الضيقة بكل ما فيها يصل بك إلى العالمية الرحبة الواسعة )).
وهذا ما شعرت به من خلال عدسات قلمك الدقيقة والتي ترصد كل خيوط النسيج الإجتماعى في صعيد مصر إضافة إلى لهجة الصعايدة التى زادت الموضوع تالقاً وجمالاً.
والدارس للنقد الأدبي ومدارسه المتعددة يجد أن اسلوبك وكلماتك تنتمي للمدرسة الواقعية والتي من روادها يوسف إدريس ويحيى حقي ونجيب محفوظ في بعض رواياته وفيكتور هوجو من الادب الفرنسي وهاريت ستاو من الادب الامريكي وميخائيل نعيمة من أدباء الشام وهذا على سبيل المثال لا الحصر.
الواقعية في قصتك في استخدام شخصيات من دم ولحم وسرد أدبي يصدقه العقل والمنطق, فضلا عن الحوار الداخلي والحديث مع النفس.
كاميرات حروفك واضحة الكادرات والزوايا والإضاءة والآلوان مزودة بتقنيات سرعة الحركة وسرعة المشاهد فضلا عن تقنيات الصوت الواضح النقي بلا صدى.
الإنفعال اللحظي ورد الفعل الطبيعي في الإنبهار والمفارقات التي يمكن ان تحدث لصعيدي في مصر ام الدنيا .
جملة الاحداث تتحرر في مضمونها الى النزوع للحياة الاوفر حظا والدعوة للمدنية حيث الأضواء الخافتة.
ذكرتني بالكاتب الكبير ميخائيل نعيمة في قصته (( ساعة الكوكو)) وهو يقدم دراسة للهجرة من الشرق إلى الغرب , وانت تقدم شهادة على العصر للهجرة الداخلية من النجع إلي المدينة وحركات الهجرة تتدفق بالملايين ولكن العودة هي الاساس الي الارض والعرض.
لقد قابلت شاعرنا الكبير الابنودي في باريس وتحدثنا عن عظمة نقل التراث الصعيدي باللغة الصعيدية وهاهو انت تطل علينا بتحفتك الفنية.
برجاء عمل هامش فيه ترجمة وتوضيح بعض الكلمات باللهجة الصعيدية الى اللغة العربية للأخوة العرب غير المصريين
شكرا لك شاعرنا الكبير وفي إنتظار البقية.
***
الشاعر الكبير
(( زغلول الطواب))
عمل أدبي رااااااااااااااااااااائع جسّد الفكرة التي طرحتها عليك (( هريدي في باريس )) وهو عمل ادبي ساخر يعالج في مواقف من الفكاهة والدراما في وقت واحد إلتقاء حضارات وثقافات مختلفة فضلا عن الدعوة لوقف نزيف الهجرة الغير شرعية والغير محسوبة لدول الإتحاد الأوربي
الذي يلفظ الآن كل ما دون آبناء جلده وثقافاته.
أدعوك والسادة القراء في كل حلقة بالصوت والصورة بالتعليق عما تكتب حتى لكتابة عمل أدبي متميز تقدمه شاشة السينما العربية بنجاح وتألق......!!!!
تحياتي لكم من باريس
محمد حسن كامل
رئيس إتحاد الكتاب والمثقفين العرب
محمد حسن كامل
رئيس اتحاد الكتاب والمثقفين العرب
سفير في فيدرالية السلام العالمي التابعة للامم المتحدة
قناة الكاتب والمفكر محمد حسن كامل
بعدهذه المقدمة الرائعة للدكتور/
محمد حسن كامل
رئيس اتحاد الكتاب والمثقفين العرب
(الجزء الثانى)
من رحلات هريدى
هريدى وسفره إلى القاهـــــــــــــــــره
وركبت ركوبه وهميت على المحطه
لجيت رصيف الجطر مزحــــــوم
والخلج عليه حاطــــــــــــــــه
ناس شــــــــــــايله جوفف
وناس معاهـــــــا زكايب
وجليل من الناس إللى معاه شنطه
ســــــاعه ســـــــــــاعتين تلاته
يفوتوا ويعــــــــــدوا بتباته
كل شويه نبصــــــــــــوا
على الجطر الفجــــرى
ولا فيه فايده ولا عايده
مفيش حد تسأله يجولك حاجه
الكل معيعرفشـــــــــــــــــــــــــى
ولا ناظـر ولا كمســرى ولا شيال
المحطه خربانه وماليهـــا الغربان
وفين وفين شــــوفنا ضو عيضوى
الناس ماعندهاش صبـــــــــــــــــــر
مش جادره تصبر لما يوجف الجطر
من الشبابيك راحت ناطـــــــــــه
اللى معاه جفص حمـــــــــام
و ولا جفاص فــــــــــروج
وإللى ماسك فى إيده بطه
بالعافيه هلبت كأنى دخلت فى شج
لجيت روحــــــــى وجعــــــــــــــت
فوج الناس وجفـــف وجفــــــــــــــاص
حسيت براسى فى الكراسى إتخبطت خبط
جومت زعجت وجولــــــــــــــــــت
يا دلى يا فجــــرى يا حزنـــــى
من أولها تتهان كرامتى
عشان أروح مصـــــــــر
ركوب الجطر يبهدلنـــــــــى
باين عليه جطر مجندل وفجرى
الغربه تبهدلنى وتودر كرامتـــــى
حتى العمه من فوج راســـى إتفكت
وراسى من الصــداع تعبـــــــــــــت
الدنيا ضلمه والناس عميــــــت
فين وفين لما الجطر طلج زمارته
ساعتين تلاتـــه والجطـــــــــــــــــر
تاته تاته ماشى براحتــــــــــــــــــه
بعد ما نور إخضر طلج تانى زمارته
سمعنا صــوت عجلاتـــــــــــــــــــــه
عتــــــــــــــددج زى دج الطبـــــــــــــــــــــل
عتخبط وتدجدج وماشى براحتــــــــــــــــه
عيجرى والنخل جباله يجـــــــــــــــــــرى
عيرجع ورا كأنه خايــــــــــــــــف منه
جولت فى ســــــــــرى يا ربـــــــــى
معجول النخل زى الجطر عيجرى
ولا أنا متهياجلـــــى
جولت يمكن من الخبط
راسى إنـــــــــــــــــدارت
الليل جه علينــــــا و حط
نام الحمام والفروج والبط
والناس نايمه فوج بعـــــض
الواحد مش شايف من الضلمه خلاجاته
والهـــــــــــــــــوى عيخبط فينا خبط
فاتوا يمكن يومين وتلاتـــــــــــــــه
سمعنا زعيط ومعيــــــــــــــــــط
هرج ومرج الناس زى الجرود
اللى عينط وإللى عيفـــــط
من فوج ومن تحت
من البيبان والشبابيك
رمينا حوايجنا وإدلينــا
زعيط ومعيط فى المحطه
يا بوى محطة مصر حاجه كبيره
الدنيا زايطه والزحمه كتـــــــــيره
والخلج عتدور علــــــى حد متلجيها
أو حد يكون فهمــــــــــــــــــــــــان
يجرا العلوان ويورينــــــــــــــــا
طلعت بــــــــــــــــــره المحطه
شوفت ناس اشكال الــــــوان
ناس كتيره بس مش زيينا
ولا جلبيـــــــــــــه ولا جفطــــــــــــــــــــــــان
أفنديه لابسين مناطـــــــــيل وجمصـــــــــان
رجاله وحريم ماشين فوج الرصيـــــــــف
لاخشـــــــــــــــــى ولا كســــــــــــــــوف
الشــــــــــــــــــــــعر مكشــــــــــــــوف
ورجول الحريم مفيش حاجه تغطيها
البنات والحريم لابسين إجصير
ولا خشى ولا كســــــــــــــــــوف
ولا مستحيين منينـــــــــــــــــــــــــا
عيلجحوا بالكلام ويضحكوا علينــــــــا
وجفت مستنى عتمان ولد عمـــــــــــــــى
غاب عليا كتيروأنى شايل فوج راسى همى
جولت يبجى الجـــــــــــواب
إللى كتبه محمود لسـه مجاش
بجيت زى المجنون طايـــــــــح
فى الخلج أفتش فى الوشـــــــوش
عبص على الناس وأنا مندار الراس
ولا عارف شــــــــــــــــالى من المداس
جعت أخبط علـــــــى راســـــــــــــــى
وجوات يا ناس أيه إللى خبطها فى راسى
وخلانى محتاس ومش عارف رجليا من راسى
مبسوط يا هريدى يا واكل ناســــــــــــــــــــــــــك
مين شار عليك وطجها فى راســــــــــــــــــــــــــك
منك لله يا محمود يا واكل أهلك وناســـــــــــــــــــك
فى عز غلبى و همـــى
شوفت واحده جد أمــــــى
ماشيه عتتمخطر من جنبــــى
لابسه إجصير وجالعــــه براسها
حاطه أحمر وأخضر وعالى مداسها
من غير طرحـه ولا هاممهـــــــــــــــــا
بصــــــات عنينـــــــــــا عجباهـــــــــــــــــــا
جولت يا سلام هى دى مصــر أم الدنيـــــا
الناس ولا حداها حيا ولا خشى زينـــــا
فينك يا مه تشوفى غضب ربنا علينا
خبطت على راسى وســــــــــــكت
جولت فى نفسى وأنى مالـــــى
ســــيب الخلج للخالج
هو وحده إللى هيحاسب
وإنت يا هريــــــــدى مالك
مش عاجبك حالهـــــــــــــم
خليــــــــــــــــــــــك فى حالك
إنت إللى هتغير الكون يعنــــى
باين عليا هشوف من الأصناف دى كتير
وبكره هتتعود عليها يا حزيــــــــــــــــــن
حوالين منى عربيات أشكال وألـــــــــــوان
عتجرى بسرعه وعماله تزمر يا جدعـــــان
جعدت على التلتوار وجسمى جايد نـــــــــــار
ولو معايا بندقيه كنت ضربت فى المليـــــــان
جولت فى نفسى إهدى يا هريـــــــــــــــــــــدى
دور على خيبتك إللى مـــــــــــش باين ليها
ليـــــــــــــــــــــــــل من نهـــــــــــــــــــــار
وشوف واحد يكون زين من أصـــــــلك
يجرالك العنوان ويدور على ولد عمك
بس الشيطان راكب راسى ومتربع
وعيوسوس فى ودانى وعيدلع
مش سايبنى فى حالـــــــــــــــــى
كيف الحمار عيبرطـــــــــــــــــــــع
ويجولى شوف يا هريـــــــــــــــــــدى
الفرج بين هنا وهنـــــــــــــــــــــــــــــاك
أنفض فى شعرايتى وأجوله إدلى يا فجرى
وروح بعيد هنــــــــــــــــــــــــــــــاك عنى
شوف حد غيرى من إللى جالعيـــــــن
الناس كتيره مش لابســـــــــــــــين
همه دول إللى هيبعوك يا فجرى
شويه وشوفت واد وبــــــت
ماسكين إدين بعـــــــض
وعيجرص بأديده فى أيديهـا
والبت عنيها واســـــــــــــــــــعه
ومش شــــــــــــــــايفه حد حواليها
زى البهيمه لما تكون سرجاها السكينه
يا دلى يا فجرى يا حزنــــــــــــــــــــــــى
فى النجع حدانه الناس غلبانــــــــــــــــــه
لو واحده بس بانت من خلاجاتها رجليهــــا
يبجى يوم أكحل ومتمرر على إللى خلفتها
وكمان إحنـــــــــــــــــــــــــا غلابــــــــه
ياما رجلينا حفيت من المشى عليها
مش لاجين ركوبه غير الحمـــار
هو إللى حيلتنـــــــــــــــــــــا
مستحملنا ومجضى الغرض لينا
وجال أيـــــــــــــــه
عمدتنا علينـــــا عيتكبر
لما يجى يشج علينــا يتكدر
يجينا راكب حصان وعيتمخطر
على أيه يا عمـــــــــــــده عتتغندر
وعلينا يا فجــــــــــــــرى عتتكبر
تعالى هنا شوف اللى حصلان
عربيات وناس بهــــــــاوات
وحريم هوانــــــم جنبيها
أنا واجف أكلم نفــسى
إتبدل حالى وعجلى
شوفت حواليه نور كهربه كتير
حاجات تخلى العجل يطــــــــير
فوج وتحــت وفى كل مـــــــكان
كهربه منـــوره بالألــــــــــــــوان
سألت أيه كل النــــــــــــــــــور ده
جالولى دى كهربه جايه من أسوان
جولت يا مثبت العجــــــــــــــــل فى الراس
كيف تجيلكم الكهربه جبلينـــــــــــــــــــا
جطر أسوان عيعدى علينـــــــــــــــــا
كيف الكهربه تعــــــــــــــــــــــــــدى
علينا ومتنورش لينـــــــــــــــــــا
وكمان وواخدين ألارض منينا
وزارعين فيها العمـــــــــــــــــدان
وإحنا فى الصعيد على لنده عويل عنور
وأنتوا عدوسوا على الحيطه تنور بالألوان
عليه العوض ومنه العـــــــــــــــــــــــــوض
الغلبـــــــــــــــان يا ناس غلبـــــــــــــــــــــان
وأنا جاعد متحير وراســــى من الدوار عتغير
شويه جانى ولد عمى عتمــــــــــــان
بالباط يا واد عمـــــــــــــــــــــــى
مشفتكش من زمـــــــــــــــــان
والله وحشنى يا واد عمــــى
كيف عرفت العنــــــــــوان
وصلك الجواب يا فجرى
وعرفت تيجى أهنهاتى كمان
جوالى أسكت يا ولد عمــــــى
بجالى خمس تيام مســــــــتنى
الجطر الفجـــــــــــــــــــــــــرى
إنه يوصـــــــــــــــل معيوصلشى
فالح بس يتلوى كيف التعبــــــــان
تعالى حط همك على همـــى
وجولى كيف حالك يا عتمـــــان
جالى زين وآخر تمـــــــــــــــــــــام
أيه يا هريدى مـــــــــــــــش باين عليا
ولا إنت إعميت ومعتشوفش كمــــــــــــان
زعلت من كلامه فى نفســــــــــــــــــــــــــى
وجولتله عتعيرنى على الجلبيه العبك يا عتمان
بخاطـــــــــــــــــــره يا واد عمـــــــــــــــــــى
إللى عطــــــــــــــــــــاك يعطينـــــــــــــــــا
علشان جاعد إنت هنا من زمـــــــــــــان
خلجاتك إنضاف وشالك إبيض شفاف
سبحان العاطى يا عتمـــــــــــــــان
بكره هتشوف هريــــــدى
لما الفلوس تجرى فى إيدى
وحياتك عنــــــــــــــــــــــــدى
هلبس أفنـــدى وطربوش كمان
ضحكنا ضحكه من الجلـــــــــــب
وبوسته وباسنى من الخـــــــــــــد
وركبنا تكس بجـــــــــــــــد
مش زى حدانا عنركبوا حمار
وجال للســـواج فســــــــــــحنا
هريدى ولد عمى لســـــه جــــاى
من الصعيـــد وزهجــــــــــــــــــان
جولت ياسطه إوعاك تسمع الكلام
وروح فى الطريج اللى هيروحنـــــــــا
أنا بجالى أسبوع ما نمتش و تعبـــان
ضحك السواج ضحكه عاليه وجال
أفسحكم شويه يا بلدينــــــــــــــا
ولا أنت زى أريبك عايز تنـام
جولتله أسمع يا ســــــطى
إوعاك تتملجت علينا وتتوصى
ومتهزيرش وتلخبط فى الكـــلام
شافنى السواج فى المرايــــــــــــا
وعنيا عتطج شرار كيـــف البصايه
جام جالى خـــــــــــــــلاص يا بلدينا
مالك كده جاى من الصعيد زعــــلان
جولتله فينا إللى مكفينــــــــــــــــــــــا
ومش ناجصاك إنت كمــــــــــــــــان
وصيلنا البيت وإدلينـــــــــــــــــــا
السواج مشى وخد الزياره وطار
وإحنا نسينا إللى كان مــــــعانا
وجولناله يلا يا أسطى سلام
ولما إفتكرت البطايه وجوز الحمام
وجفة البلح والرغفــــــــــــــــان
جولت إلحج يا واد عمــــــى
السواج سرج الزياره وطار
ضحكوا علينا ناس مصر
يا واد عمى يا عتمان
الخلجات والزياره كانوا جنبى
إنسيناهم يا واد عمـــــــــــــــــــى
جالى أسكت يا هريــــــــــــــــــــــــدى
إللى عيروح فى البلد دى ما عادش يجى
وجفل يا ولد عمى على الــــــــــكلام
دخلنا البيت وجعدنا وريحنــــــــا
وكلنا وشربنا الشــــــــاى
شاى صعيدى تجيل تمــــــــام
وجالى يالا يا ولد عمى نـــــــــــام
الصباح رباح ريح من السفر دلوكيتى
وبكره من بدرى نتوكلوا على الفتـــــاح
إللى ولا عيغفـل ولا عينــــــــــــــــــــــــام
***
ليست هناك تعليقات:
إرسال تعليق