من ديوان تجار الحـب
محتجالك
•••••••••••••••••••
محتجالك محتجالك محتجالك
محتاجه لو لخيالك يواســـــــــــــينى
أو بطيفك تجى تصبر حنينـــــــــــى
طال غيابك زاد عنـــــــــــــــــــادك
زاد ضنيا وزاد أنينـــــــــــــــــى
محتاجه الحضـن الحنـــــــون
محتاجه لنظره فى عيونى
تمحي لى كل ظنونى
عقلى هيشت بجنون
كل فكرى ايـــه جرالك
ايه اللى شاغل عنى بالك
وامتى تانى راح تجيلــــــى
محتجالك ياللى رحت وغبت عنى
والضنى سهرلى عينى غصب عنى
والضلوع تبكى لشوقها لضمها
من حنون كان بأيده بيلمها
ليه رحلت وســــبتها
مشـــــــــــتقالك
ولأحتياجى بأرمى خطاى فى ريح
قاصده اشوفك ووصالك واستريح
قلبى نبضه ولهفتــــــه
وكل حيرته فى سكته
ملهوف عشانك
عطشانه لمحبتك
ياللى طالت غربتك
دفى فرشى وهز عرشى
وكاس منايا حرمنى منه بغيابك
حاسه بيك بين الضلــــــــــوع
رغم بعدك وغيابك و بغيابك
محتجالــــــــــــــــــــــــــك
لو بغمض عينى لحظهه
أشوف طيفك وخيالك
على الجفون يمر مر
بذكرى لقلبى بخصالك
لا الدموع بتواســـــينى
ولا نوحى ليا جابـــــــــك
قلبى نبضه ولهفتــــــــــه
وكل حيرته فى ســــــــكته
ملهوف عشـــــــــــــــــــــانك
و ارمى خطاى فى ريــــــــــح
قاصده أشـــــــــــوفك و وصالك
و قلبى من شوقه فى نبضــــــه
يصرخ اللهفه عشــــــــــــــــــــانك
وكل حيرته فى ســـــــــــــــــــــكته
الطريق ووصفته وعقلــــى يتبع الاثر
والحواس مشـــــــــــــــــــدوده ليك
كلى ملهوفـــــــــــــــــــــه عليك
محتجالك محتجالك محتجالك
•••••••••••••••••••
••••••••••••••••
•••••••••••••
••••••••••
•••••••
••••
ليست هناك تعليقات:
إرسال تعليق