الشاعرة / عـزة الزرقانـــى
أنا عـــادى
ومش عادى
اكون راضـــــى
اعيش شخشيخه
ف ايديكــــــــــــــى
انا احســــــــــــــاس
وكل النـــــــــــــــــاس
عليا شاهده او ليكى
وعارفانى ..وعرفاكى
وعارفه ايه نواياكى
وفاهمه انـــــــى
مش ليكــــــى
ولاقيكــــى..
ف بحــــــــر
ومنه طالعه
غرقانــــــه
وبردانــــه
بنيــــــت
ليكــــى
قصور ياما
وفوقتك..
وروقتـــك
وقولت ارسى
على شـــطك
وامشــــــط لك
جدايل شعرك اللافف
على كتافـــــــــــــــــك
منا دلوقتى...مجدافــــك
ماليش غيــــــــــــــــــرك
ولا ارضى..ســـــــــــوى
شكلك واوصافـــــــــك
يكون لى وليـــــــــف
حبيب وعفيـــــــف
ماهوش تأليــف
دا حلم مخيف
الاقيكــــى ..
بجد بتلعبى بيا
وتطفى الفرحه ف عنيا
أعليكى ..وانتــــــــى
تنزلى بيـــــــــــــــــا
دا مش عيبــــــــى
ولا عمره ح يبقى
عيب كمان فيــا
دا عيب فيكـى
وانا ..عـــادى
ومش عادى
اعيش راضى
أكون شخشيخه
ف ايديكـــــــــى
***
عزه الزرقانى
ليست هناك تعليقات:
إرسال تعليق