جنـــــــــد مصر
•••••••••••••••••••
مش لآن الاْرض
دى بتطرح رجــــال
واقــفه صامدة للرياح
زى الجبـــــــــــــــــــــال
فتش عليهم ف الســحاب
أو تحت أنقاض الرمـــــال
هاتلاقيهم نفـــس الوشوش
نفس الجسارة والشــــهامه
للحــق جنـــــــــد مابيخافوش
وإن دست ليهم يـــــوم طرف
تلقى الملايكه بقـــــت وحوش
بيخلوا ليل الضلمه نــــــــــــار
يسقوا العدا طعم المــــــــــــرار
والخــــوف ترف مابنعرفوش
عرفتوا مين ؟ ماتسألوش
دول جند مصـــــــــر
•••••••••••••••••••
محمد قنديل
•••••••••••••••••••
•••••••••••••••••••
••••••••••••••••
••••••••••••••
••••••••••••
رحلة ســـــــــــياحية
•••••••••••••••••••
من يومين طلعت رحلــــــــــه
بين الكواكـب والنجــــــــوم
قلت أريح نفسى حبـــــــه
من المشاكل والهمـــوم
أخدت شنطه صغيرة
فيها لقمتين مع لبس عــــــــــــــــــــــــــوم
ولو إنى معروف ع الشــــــــــــــــــــواطىً
ع البر فى الرمله بأعــــــــــــــــــــــــوم
بس برضه الحيطه واجــــــــــــــــــب
والمنظرة بتحتاج هــــــــــــــــــدوم
أول سحابه ركبتهــــــــــــــــــــــا
أتاريها رايحه المشــــــــــــترى
قلت فرصه مكان بعيــــــــــــد
وأكيد رخيصه التذكـــــــرة
مش بخل أو قلـــة فلوس
دا أنا عيبى هو البعتره
فجأه حرالشمس زاد
والسحابه مطرت
ووقعت منها مابين جبــــــــــــــــــــــــــال
وشى وهدومى إتعفـــــــــــــــــــــــــرت
وحاجات فى جيبى إتكســـــــــــــــرت
وموبايلى ضـــــــــــــــــــــــــــــاع
فى الضلمه حسيت بالضيــــــاع
الاًرض فيـــــــــــــــــــــــــــن ؟
ها أرجع منيـــــــــــــــــــــن ؟
ولآمتى ها يطول الانتظـــار؟
وحشتنى دوشة حيينــــــا
لعب العيال وخناق كبار
شكلكم صدقتوا قلمى
ذنبكم دا كان هزار
•••••••••••••••••••
محمد قنديل
ليست هناك تعليقات:
إرسال تعليق