أغنية جرس الفسحة ضرب ضرب
الجــــــــــــرس
دق الجـــــــــــــرس
و طلعنا نجرى ع الطابور
الكل واقف فى ثبــــــــات
آية و حديــــــــــــــــــــــــث
حكمة و كلمة و تعليمــــــات
و ف لحظة كنا ف الفصـــــول
الأبلة كانت أَمّنــــــــــــــــــا
كانت أمام بياِمّنــــــــــــا
فجأة تقــــــــــــــــول
كلو انتبـــــــــــــاه
اكتب ف وسط السطر
مدرسة الحيــــــــــــــاة
قلت مش فاهم يا أبلــــة
يعنــــــــــــــى ايـــــــــــه؟
ردت الأبلة عليّـــــــــــــــــــه
مدرسة أبوابهــــــــــــا فاتحة
للجميـــــــــــــع
اللى يتعلــم يفــــوز
و اللى يجهلها يضيـــع
اللى يمشى ع السطور
و اللى يمشى تحت منها
اللى غايب مش مذاكــــــر
و اللى حاضر عقله فاكــــــر
و اللى سارح و اللى غافى
و اللى فيها عقله صافى
و اللى عامل فيها واجبه
و اللى ناسى
اللى هامل فيها فاشل
و اللى ذاكر فيها ينجـــــح
فى النهاية ..... كله مرْوَح
قلت ابله ... كلـــــــه مرْوَح
بس من غير الجـــــــــــرس
لأ يا ابنى
ف الحياة مليــــون جرس
لما صبحك يبقــــــــــــى ليل
تشتكى من وحدتك و انتا عليل
و انت فى عز النهـــــــــــــــــــار
عايز دليل
لما بحرك تختفى منه شــــــطوطه
و الزمن يرسم على جبينك خطوطه
لما توبك تنسحب منه خيوطــــه
لما جسمك ينحنـــــــــــــى
من غير رجــــــــــــــوع
لما يبقى الكل واقف
و انت فى وضع الركوع
لما تبقى ايدك العاجزة عيونك
لما عقلك يوم يخونــــــــــــــــك
كل شئ ماشى بدونـــــــــــــــك
لما بتكلـــــــــــم جـــــــــــــــدودك
لما تتغير ملامحـــــــــــــــــــــك
لما تحزن ع اللى ماتــــــــوا
قبل ما تسمع مسامحك
تشكى ضعفــــــــــك
و انت يوم كنت الفرس
يبقى خــــــــــــــــلاص
دق الجـــــــــــــــــرس
ليست هناك تعليقات:
إرسال تعليق